«Қырҭтәыла Суматәи атәылаҿацә анаҭеит 9 цырак ааглыхратә генераторқәа», — иануп Украина Адәныҟатәи аусқәа рминистрра аҳәамҭаҿы.

Дара ринформациа инақәыршәаны, Украина иҟоу  Қырҭтәыла аусқәа рзы ахаҭарнак Иракли Абесаӡе  ажьырныҳәа 5 рзы  Суматәи арратә администрациа ахаҭарнак ииҭеит жә-цырак еиуеиҧшым агенераторқәа.

Иара убас, аинформациа ишану ала, Қырҭтәыла аиҳабыра,  украинатәи арегионқәа рҿы урыстәылатәи агрессиа амшала азарал зауз ауаа рыцхраара амзызла  553 000 адоллар рзоурыжьҭит.

«Есымша имҩаҧысуа атеррористтә жәыларақәеи ахьҭа цәгьеи аан ари агуманитартә цхыраара аҵакы ду амоуп, уи иаамҭаны иҳауит. Ҳара Қырҭтәыла аиҳабыра гәыкала ҭабуп ҳәа раҳҳәоит, дара ари аибашьра ианалага инаркны Украинаҟа идәықәырҵахьеит еиуеиҧшым  27 агенератор дуқәа», — иануп аҳәамҭаҿы.