Владимир Зеленски – Адунеи аибашьра ааннакылароуп
Владимир Зеленски – Адунеи аибашьра ааннакылароуп

«Хәажәкыра 24 рзы Бриуссель ҳазынтәгьы ҳшәарҭадаразы зҵакы дуу 3 саммитк мҩаҧысуеит. Ҳара урҭ рҟынтә исериозу ашьаҿақәа ҳрызҧшуп», — иҳәеит Украина ахада Владимир Зеленски иахьа иҟаиҵаз авидеоааҧхьараҿы.

Украина ахада Мраҭашәарашҟа ааҧхьара ҟаиҵеит Украина имҩаҧысуа аибашьра иадҳәаланы рпозициа аадырҧшырц.

«Ҳара Урыстәыла аанаҳкылароуп, адунеи аибашьра ааннакылароуп. Украина иадгыло, ахақәиҭра иадгыло  зегьы ҭабуп ҳәа расҳәоит, аха аибашьра инагӡоит. Аҭынчуаа ирҿагыло атеррор инагӡоит. Мызкы ҵит, сшәыҳәоит, аибашьра аанышәкыл», — иҳәеит  Зеленски.

Зеленски аҭынчуаа зегьы дрыҳәеит аибашьра иаҿагыланы апротест ҟарҵарцаз Украина асимволика кны адәахьы идәылҵырц.

Украина ахада Урыстәыла атәылауаа рахьгьы ааҧхьара ҟаиҵеит.

«Шәҳәынҭқарра егьи адунеи аҟынтә шәеиҟәыҭхара иазҿлымҳауп, избанзар, абас ала иаҳа имарианы ишәхылаҧшуеит, иаҳа имарианы аибашьрашҟа шәдәықәырҵоит. Украина хаангьы Урыстәылазы шәарҭамызт. Шәхылҵ еиқәшәырха. Аибашьра иазкны аиаша рашәҳәа», — ихәеит Зеленски.

https://www.facebook.com/zelenskiy.official/videos/308131214750902/?t=0