Жьҭаара 4 рзы алхырҭақәа рахь инеиз ҳтәылауаа зегьы ҭабуп әҳа расҳәоит. Ҷыдала ҳраҭабууп  „Ақырҭуа гәахәтәы“ иадгыло ҳтәылауаа, дара аиҳабыра ирымоу адемократиатә мандат даҽазнык ишьақәдырҕәҕәеит, – иҳәеит Қырҭтәыла апарламент ахантәаҩы Шьалуа Папуашвили апарламент абиуро аилатәараҿы.

Иара иажәақәа рыла, арҭ алхрақәа рҿы атәылауаа даҽазнык ишьақәдырҕәҕәеит аиҳабыра ирыдыркыло аполитикатәи азинтәи аӡбарақәа ишрыдгыло.

„Даҽазнык ишәыдысныҳәалар сҭахуп аҭыҧантәи ахаланапхгаратә алхрақәа қәҿиарала рымҩаҧгара. Убри ала алхратә цикл хыркәшоуп. Аконституциатә органқәа зегьы еиҿкаауп, уи абзоурала, анеҩстәи хышықәса ирылагӡаны, анапхгаратә гәыҧ, апарламенттәи аҭыҧантәи алхрақәа раан ицәырыргаз аҿиара апланқәа зегьы нарыгӡар рылшоит.  Раҧхьа иргыланы, жьҭаара 4 рзы алхырҭақәа рахь инеиз ҳтәылауаа зегьы ҭабуп ҳәа расҳәоит. Ҷыдала ҳраҭабууп  „Ақырҭуа гәахәтәы“ иадгыло ҳтәылауаа, дара аиҳабыра ирымоу адемократиатә мандат даҽазнык ишьақәдырҕәҕәеит. Дара агәра ганы иҟоуп ҳара ҳтәыла амилаҭтә интересқәа шыҳахьчо.  Жьҭаара 4 рзы имҩаҧгаз алхрақәа рҿы ҳтәылауаа даҽазнык ишьақәдырҕәҕәеит ҳара иҟаҳҵо ашьаҿақәеи ҳполитикеи ишиашоу, уи адемократиоуп, ажәлар ргәазыҳәароуп ихадоу “, – иҳәеит Шьалуа Папуашвили.