«Абизнесмен Леван Џьангвелаӡе ишьразы ахара зду ауаа зегьы аанкылазароуп, уи аҵакы ду амоуп. Ҧарцхалаӡе Урыстәыла датәылауаҩуп, убри аҟынтә, иекстрадициа апроцесс уадаҩуп, аха, ари ацәгьаура зхароу ауаа зегьы аҭакҧхықәра рыдҵатәуп, уи аҵакы ду амоуп», — иҳәеит Қырҭтәыла апарламент ахантәаҩы Шьалуа Папуашвили.

Папуашвили  аусеилыргаратә органқәа имҩаҧыргаз аусеилыргарзы ҭабуп ҳәа реиҳәеит.

«Жәаҳәарада, ари ахҭыс даараӡа ихьанҭан, Қарҭ агәҭаны аҿаҵарала ауаҩшьра ҟалеит. Ҳзинхьчаратә органқәа аусура ду мҩаҧыргеит, абри иуадаҩӡоу аус аилыргаразы ҳраҭабууп.

Ахара заду ауаа зегьы аанкылатәуп. Џьоукы Урыстәыла, Европа уҳәа, еиуеиҧшым аҭыҧқәа рҿы рҽырҵәахуеит. Ҧарцхалаӡе Урыстәыла датәылауаҩуп, убри аҟынтә, иекстрадициа апроцесс уадаҩуп.  Ҧарцхалаӡе Урыстәыла датәылауаҩуп, убри аҟынтә, иекстрадициа апроцесс уадаҩуп, аха, уезгьы, ари ацәгьаура ҟазҵаз ауаа зегьы ашьауҕатә ҭакҧхықәра рыдҵатәуп», — иҳәеит  Папуашвили.

Аҩныҵҟатәи аусқәа рминистрра адыррақәа рыла, абизнесмен Леван Џьангвелаӡе ишьра еиҿикааит Қырҭтәыла ҧасатәи апрокурор хада Оҭар Ҧарцхалаӡе.