Қырҭтәыла апарламент аханәтаҩы Шьалуа  Папуашвили Италиа апарламент адепутатцәа рпалата ахантәаҩы  Лоренцо Фонтана диҧылеит.

Аганқәа рхаҭарнакцәа апарламенттә усеицура арҕәҕәареи, аҵареи, акультуреи, ахәаахәҭреи аусхкқәа рҿы аҵыхәтәантәи ашықәсқәа рзы азҳара иаҿу аизыҟазаашьақәеи ирылацәажәеит.

Қырҭтәыла апарламент ахантәаҩы Евроеидгыла алалара апроцессаҿ Қырҭтәыла апрогресс дазааҭгылан,  иаҵшьны иазгәеиҭеит ари аганахьала Италиантә адгылара аҵакы ду шамоу.

Лоренцо Фонтана ишазгәеиҭаз ала,  Қырҭтәылаҟны аусеицура арҭбаара дазыхиоуп,  иара ишиҳәаз ала,  Италиа Қырҭтәыла евроатлантикатә интеграциа иадгылоит.

Иара убас,  Қырҭтәылеи Италиеи рпарламентқәа рхантәаҩцәа жәларбжьаратәи ашәарҭадареи,  Аахыҵ Кавказаҿ имҩаҧысуа ахҭысқәеи,  Евроеидгыла агеополитикатә роли иалацәажәеит.

Ари аинформациа аланарҵәеит Қырҭтәыла апарламент апресс-маҵзура.