«Агеополитикатә ганахьала иҭышәынтәалам аамҭазы Венгриаҟа авизит амҩаҧгаразы исоуз  алшара иҳаракны ахә сшьоит.  Иахьатәи иуадаҩу аҭагылазаашьаҿы Қырҭтәылеи Венгриеи иреиҧшу аиҩызаратә тәылақәа рыбжьара аусеицуреи аидгылареи иаҳа-иаҳа аҵакы роуеит», — иҳәеит Қырҭтәыла апарламент ахантәаҩы Шьалуа Папуашвили венгриатәи иколлегеи иареи еицымҩаҧыргаз абрифинг аҿы.

Папуашвили иажәақәа рыла, аҵыхәтәантәи ашықәсқәа рзы Қырҭтәылеи Венгриеи реизыҟазаашьақәа рҿы акрызҵазкәа ашьаҿақәа ҟаҵан.

«Аҧыза-министр Виктор Орбан 2024 шықәса жьҭааразы имҩаҧгаз апарламенттә алхрақәа рышьҭахь Қырҭтәыла иаҭааиз раҧхьатәи алидер иоуп. Уи алагьы иубарҭоуп ҳаиҩызареи ҳаидгылареи шыҕәҕәоу», — иҳәеит  Папуашвили.

Шьалуа  Папуашвили ишиҳәаз ала, аиҧылараҿы Евроеидгыла алалара апроцессаҿ Қырҭтәыла иамоу апланқәа ирылацәажәеит, иара иаҵшьны иазгәеиҭеит  2028 шықәсанӡа Қырҭтәыла, Ассоциациа иазку аиқәшаҳаҭрала иазҧхьагәаҭоу аҧхықәрақәа рҟынтә 90% рынагӡара хықәкыс ишамоу.

«Ари аиқәшаҳаҭра зҵакы дуу алҵшәақа ҳзаанагоит, уи азинтәи аинституциатәи ганахьала  Евроеидгыла  азааигәахара анагӡаразы аплан хадоуп. Венгриа даараӡа ҳаҭабууп ари апроцессаҿ иахьҳацхраауа азыҳәан.  Шәара шәҧышәа ҳара ҳзы аҵакы ду амоуп», — иҳәеит  Шьалуа Папуашвили.