Қырҭтәыла апарламент ахантәаҩы Шьалуа Папуашвили  иажәақәа рыла, Евроеидгыла ацҳаражәҳәарҭа аҧара ззоунашьҭуа  апропагандатә АИХқәа ирымҳәеит ари арезолиуциаҿы Саакашвили ихақәиҭтәразы ааҧхьара шыҟаҵаз.

Иара иажақәа рыла, арезолиуциа адкылара далахәын арҭбаара азҵаарақәа рзы еврокомиссар Марта Кос, уажәшьҭа Евроеидгылагьы, еврокомиссари ацҳаражәҳәаҩи рыла, Саакашвили ихақәиҭтәра иаҳәоит.

«Евроеидгыла ацҳаражәҳәарҭа аҧара ззоунашьҭуа  апропагандатә АИХқәа ирымҳәеит ари арезолиуциаҿы Саакашвили ихақәиҭтәразы ааҧхьара шыҟаҵаз. Дара ибзианы еилыркаауеит ақырҭуа жәлар уи шырбо.  Арезолиуциа адкылара далахәын арҭбаара азҵаарақәа рзы еврокомиссар Марта Кос, уажәшьҭа Евроеидгылагьы, еврокомиссари  ацҳаражәҳәаҩи рыла, Саакашвили ихақәиҭтәра иаҳәоит. Ишубарҭоу ала, иахьа Евроеидгыла Саакашвили ихақәиҭтәра иаҳәоит.

Убри аҟынтә, Евроеидгыла ацҳаражәҳәаҩ ақырҭуа жәлар аҭак риҭааит —  дара ирҭахи? Герчински игәаанагарала, адиктатори аргәаҟратә система аҧҵаҩи Европа дахаҭарнакзар рҭахума? Герчинскии Еврокомиссиеи ргәы ишҧаанаго, Саакашвили  — Европа дахаҭарнакума?

Дара абри аҭакҧхықәра изацәцом. Еврокомиссар абри арезолиуциа адкылара далахәын. Сара атекст иадҳәаланы акритикатә жәакгьы смаҳаит  — акомиссар Кос лоума, Евроеидгыла ацҳаражәҳәарҭеи Еврокомиссиеи роума, аӡәгьы ҿиимҭит. Уи иаанагоит дара арезолиуциаҿы иарбоу апозициа иақәшаҳаҭуп ҳәа. Уи иаанагоит даргьы Саакашвили ихақәиҭтәра иаҳәоит ҳәа. Урыстәыла асанкциақәа азышьақәыргыларагьы иаҳәоит. Дара Урыстәыла ҳаҿагыларц иаҳәоит, адиктатори аргәаҟра асистема аҧҵаҩи доуҳажьҭырц иаҳәоит. Дара ргәаанагарала, абри ауп  Европа.

Убри аҟынтә, ҳаҭыр зқәу Герчински аҭак ҟаиҵароуп  — иара игәаанагарала, Европа  — ауаа рыргәаҟреи, адиктатуреи, аескалациеи, аимакқәа раан аҧсҭбареи аума? Абри аума Европа?» — иҳәеит  Шьалуа  Папуашвили.