Қырҭтәыла апарламент ахантәаҩы  Шьалуа Папуашвили Бундестаг Евроеидгыла азҵаарақәа ркомитет ахантәаҩы Антон Ҳофраитер диԥылеит.

Қырҭтәыла апарламент аинформациала, апарламент ахантәаҩы Бундестаг имҩаԥгаз аиԥылараҿ ишазгәеиҭаз Германтәыла Қырҭтәыла евроинтеграциа апроцесс аҿы ароль ҷыда нанагӡоит.

Шьалуа Папуашвили Антон Ҳофраитер Евреоидгыла арекомендациақәа рынагӡара апроцесс аҿы Қырҭтәыла амоу ақәҿиарақәеи имҩаԥысуа ареформақәеи ирызкны аинформациа ииҭеит.

Евроеидгыла азҵаарақәа ркомитет ахантәаҩы Қырҭтәыла атерриториатә акзаара адгылара шьақәирӷәӷәеит.

Германтәылатәи Афедеративтә республикаҿ иҟоу Қырҭтәыла апарламент ахантәаҩы Шьалуа Папуашвили дызхагылоу апарламент аделегациа иалоуп адепутатцәа Николоз Самхараӡеи, Анри Оханашвилии, Леван Кобиашвилии, Нино Иобашвилии, Иракли Шатикашвилии, Хаҭуна Самниӡеи.