Апарламент ахантәаҩы Шьалуа Папуашвили ишиҳәаз ала, аоппозициаа ахаланапхгаратә органқәа рахь алхрақәа рҿы ақәҿиара иақәгәыҕратәы иҟам.

Иара иажәақәа рыла, аоппозициаа аҳәаанырцәынтә ироуа адҵақәа рынагӡара рыхәҭоуп ҳәа ргәы иаанагоит, абасоуп аҭакҧхықәра ишахәаҧшуа.

«Атәымуаа рҳәатәы захҵо аоппозициаа алхрақәа рҿы қәҿиарас ироураны иҟои? Изакәызаалак қәҿиарак роуам, избанзар, алхыҩцәа ажәа рырҭеит аҳәаанырцәынтә ироуа адҵақәа шынарыгӡо.

Иахьа аоппозициаа атәыла анапхгара гәыбҕанс ирырҭо акоуп: Еврокомиссиа апресс-маӡаныҟәгаҩ ицхырааҩ иҳәатәы зхашәымҵои ҳәа ҳарҳәеит. Ҳара ақырҭуа жәлар мацара рҳәатәы наҳагӡоит. Абри ауп дара проблемас ирымоу», — иҳәеит  Папуашвили.

Иара иажәақәа рыла, аоппозициатә партиақәа  — «Лело» , иара убас, «Қырҭтәыла ахьчаразы» — аҭыҧантәи ахаланапхгаратә органқәа рахь алхрақәа рзы рҽазыҟарҵоит.

«Ареволиуционерцәа ракәызшәа рхы аадырҧшыр рҭахуп, аха, алхрақәа рзы аҽазыҟаҵара иалагахьеит. Ҳтәыла хәыҷуп, ҳуааҧсыра абри зегьы ибзиаӡаны ирбоит», — иҳәеит  Папуашвили.