«Уажәы имҩаҧысуа апроцесс ареволиуциатә ҟазшьа амам,  избанзар,  атәыла анапхгара рыхҳәаразы аҳәара ҟаҵам. Ари апроцесс алхрақәа реиҭамҩаҧгареи зхы иақәиҭу аҭагылазаашьа иаша ашьақәыргылареи иазкуп», – илҳәеит Қырҭтәыла ахада Саломе Зурабишвили Европарламентаҿ данықәгылоз.

Саломе Зурабишвили ишылҳәаз ала,  21 мшы ҵуеит адемонстрантцәа адәахьы игылоижьҭеи.

«21 мшы ҵуеит ауаа адәахьы игылоижьҭеи. Ари аҵысра аинтерес ду аҵоуп, избанзар,  ари аҵысра иалахәып еиуеиҧшым атәылауаҩратә сегментқәа. Иаартны иаҳҳәозар,  ари апроцесс иалагеит апарламенттә алхрақәа рышьҭахь. Ааҧынразгьы,  аурыс закәан иадҳәаланы,  апротесттә акциақәа мҩаҧысуан. Ақырҭуа жәлар рхақәиҭреи,  европатәи амҩеи,  рхьыҧшымреи  ашәарҭара ианҭагыло, дара еснагь апротест ҟарҵоит», – илҳәеит Зурабишвили.

Қырҭтәыла ахада ишазгәалҭаз ала, атәылаҿы апротестқәа ҭынч имҩаҧысуеит.

«Қырҭтәыла асоциалтә ҭагылазаашьа иадҳәаланы ахаангьы апротестқәа иҟамызт. Ауаа адәахьы идәылҵуеит ахадаратә ҵакы змоу азҵаарақәа ирыдҳәаланы. Уажәгьы абасоуп ишыҟоу. Апротесттә ҵысра ҭынч имҩаҧысуеит уи алахәылацәа 2 аҳәарак рымоуп: сыбжьы шәырхынҳәы, избанзар,  алхрақәа ҳцәырҕьычит. Европатәи сҧеиҧш шәырхынҳәы,  уи алхрақәа реиҭамҩаҧгара иадҳәалоуп», – илҳәеит атәыла ахада.