Қырҭтәыла ҧасатәи аҧыза-министр Иракли Ҕарибашвили иҟны апроцесстә аилаӡара рыдыркылеит, уи инақәыршәаны, иара 5 шықәса аҭакреи 1 миллион лари ахараҧса ашәареи иқәырҵеит, – ари аинформациа аланарҵәеит Қырҭтәыла Апрокуратура.

„Қырҭтәыла апрокуратура, ахара зду Қырҭтәыла  ҧасатәи аҧыза-министр Иракли Ҕарибашвили иҟны апроцесстә аилаӡара аднакылеит, уи инақәыршәаны, иара 5 шықәса аҭакреи 1 миллион лари ахараҧса ашәареи иқәырҵеит.

Иара убас, ацәгьауратә ауранагӡарала иоуз амали иҩны аимдараан иаарҧшыз аҧареи имхны, аҳәынҭқарра иарҭоит.

Иракли Ҕарибашвили иқәырҵаз ахара иазхеиҵан, апроцесстә аилаӡара аҭагылазаашьақәа дрықәшаҳаҭхеит“, – иануп апрокуратура аинформациаҿы.

Иара убас, ишдыру ала, Қарҭ ақалақьтә аӡбара,  Қырҭтәыла ҧасатәи аҧыза-министр Иракли Ҕарибашвили ҷыдала ирацәаны азакәандаратә хашәала алегализациазы  жьҭаара 24 рзы 1 миллион лари ашас ашәара иқәнаҵеит.

Жьҭаара 22 рзы Аҳәынҭқарратә шәарҭадара амаҵзураҿы имҩаҧгаз абрифинг аҿы ишырҳәаз ала, ҧасатәи аҧыза-министр Иракли Ҕарибашвили акыршықәса ирылагӡаны азакәандаратә хашәала аиура ихарарҵеит, иара ари ахарадҵара дақәшаҳаҭхеит.