Никол Ҧашиниан - Аа-мшы ҵуеит азербаиџьантәи аган Лачинтәи акорридор дыркижьҭеи, Ашьхатә Ҟарабах ауааҧсыра, абри ахьҭаха, амҩан иаанхеит, аҭаацәарақәа аблокадатә цәаҳәа наҟ-ааҟ иаанхеит
Шәамахьатәыла аҧыза-министр Никол Ҧашиниан асоциалтә аҳаҿы Лачинтәи акорридораҿ аҭагылазаашьа дахцәажәеит.
«Аа-мшы ҵуеит азербаиџьантәи аган Лачинтәи акорридор дыркижьҭеи, Ашьхатә Ҟарабах ауааҧсыра, абри ахьҭаха, амҩан иаанхеит, аҭаацәарақәа аблокадатә цәаҳәа наҟ-ааҟ иаанхеит. Агәабзиара аганахьала апроблема дуқәа змоу ауааҧсыра хәшәыда, амедицинатә цхыраарада иаанхеит», — иҩит Ҧашиниан.
Ҧхынҷкәын 12 рзы азербаиџьантәи аекоактивистцәа Лачинтәи акорридор адыркит. Ари акорридор иалсны ицоит Ашьхатә Ҟарабахи Шәамахьтәылеи еимыздо амҩа заҵәы.