«Қырҭтәыла апарламент алахәылацәа Вашингтон иакымкәа аиҧыларақәа мҩаҧыргаратәы алшара роуеит», – илҳәеит Қырҭтәыла адәныҟатәи аусқәа рминистр Мака Боҷоришвили.

Ари авизит аҵакы ҷыда амоуп, избанзар,  аамҭак иалагӡаны Қырҭтәыла апарламенти Америка Аконгресси рыбжьара аимадара иҟамызт.

«Аамҭак иалагӡаны Қырҭтәыла апарламенти Америка Аконгресси рыбжьара аимадара иҟамызт. Убри аҟынтә, ақырҭуа депутатцәа Америка имҩаҧырго авизит аҵакы ҷыда амоуп. Адәныҟатәи аимадарақәа рзы акомитет ахантәаҩи егьырҭ адепутатцәеи Вашингтон аиҧыларақәа рымҩаҧгареи,  ақырҭуа-америкатә еизыҟазаашьақәа рылацәажәареи рылшоит», – илҳәеит  Боҷоришвили.

Адәныҟатәи аимадарақәа рзы акомитет ахантәаҩы Николоз Самхараӡе анапхгара ззиуа ақырҭуа апарламенттә делегациа,  Ареспубликатә партиа аҟынтә Аконгресс  иалахәы  Анна Паулина Луна лааҧхьарала, Америка имҩаҧысуа  асаммит  «Ихьыҧшым амилаҭқәа ралианс» рхы аладырхәоит.