Литва ахада  - Сара ампыҵахалатә цәаҳәашҟа сааит исҳәарцаз Литва ахаан Аҧсни Аахыҵ Уаҧстәылеи рымпыҵахалара ишақәшаҳаҭымхо
Литва ахада  - Сара ампыҵахалатә цәаҳәашҟа сааит исҳәарцаз Литва ахаан Аҧсни Аахыҵ Уаҧстәылеи рымпыҵахалара ишақәшаҳаҭымхо

Литва ахада  Гитанас Науседа иҳәамҭала, Литва ахаан Аахыҵ Уаҧстәылеи Аҧсни рымпыҵахалара иақәшаҳаҭхом.

Хурвалеҭи ақыҭаҿ  Науседа ишиҳәаз ала,  ампыҵахалатә цәаҳәашҟа днеит аҭыҧаҿы агуманитартә ҭагылазаашьа зеиҧшроу ибарцаз.

«Сара ампыҵахалатә цәаҳәашҟа сааит исҳәарцаз Литва ахаан Аҧсни Аахыҵ Уаҧстәылеи рымпыҵахалара ишақәшаҳаҭымхо. Ҳәарада,  аҭыҧаҿы аҭагылазаашьа зеиҧшроу,  ауаа ишынхо, агуманитартә ҭагылазаашьа зеиҧшроу   збар сҭахын.

Ауаа ирыгу шырацәоу збеит,  атәанчахәы ргаратәы алшара рымам, аӡылеиқәыршәара аганахьала апроблемақәа иҟоу. Аҵыхәтәаны сразҵааит гәазыҳәарас ишәымои ҳәа. Исарҳәаз жәдыруама? Дара аҩныҟа ахынҳәра иаргәаҟуеит. Абри ауп ҳақәҧара хықәкыс иамоу, арҭ ауаа ргәахәы анагӡара азықәҧара.  Абри азҵаара еиуеиҧшым жәларбжьаратәи афорумқәеи, аконференциақәеи, ауснагӡатәқәеи рҿы иқәыргылатәуп ҳәа сгәы иаанагоит. Ари азҵаара ӡбам, абарҭ аҵакырадгьылқәа уажәгьы импыҵахаланы иҟоуп. Ҳара иҳалшо зегьы ҟаҳҵароуп аҭагылазаашьа ҳаҧсахырц. Стәылазы уи аҵакы ду амоуп, избанзар стәыла еснагь жәларбжьаратәи адәныҟатәи аполитика апринципқәа ирықәныҟәон», — иҳәеит Гитанас Науседа.