Бельгиа адәныҟатәи аусқәа рминистр Аџьа Лабиб ампыҵахалатә цәаҳәа иазааигәоу Оӡиси ақыҭан дыҟан.

Қырҭтәыла Адәныҟатәи аусқәа рминистрра апресс-маҵзура адыррала, Евроеидгылаҿ Қырҭтәыла ахаҭарнак Вахтанг  Махароблишвилии Аҳәынҭқарратә шәарҭадара амаҵзура ахаҭарнаки Бельгиа адәныҟатәи аусқәа рминистр илзеиҭарҳәеит аҭыҧаҿ агуманитартә ҭагылазаашьа иазкны.

Бельгиа адәныҟатәи аусқәа рминистр ишылҳәаз ала,  Евроеидгыла ари арегионаҿ аҭышәынтәалара аиқәыршәара иалахәып, Бельгиагьы ари апроцесс иалахәып.

«Ҳара аимадарақәа ҳарҕәҕәароуп. Ари арегион агеополитикатә ҭагылазаашьа ҷыда иазҧхьагәаҳҭароуп.   Евроеидгыла ари арегионаҿ аҭышәынтәалара аиқәыршәара иалахәып, Бельгиагьы ари апроцесс иалахәып», — илҳәеит Аџьа Лабиб.

Бельгиа адәныҟатәи аусқәа рминистр Қырҭтәыла даҭааит арегионалтә визит аҳәаақәа ирҭагӡаны.

Аџьа Лабиб  Қырҭтәыла адәныҟатәи аусқәа рминистр Илиа Дарчиашвили диҧылеит ишиашо, иара убас, ирҭбаау аформатқәа рҿы.