Мака Боҷоришвили Казахстан адәныҟатәи аусқәа рминистр диҧылеит

Казахстантәи ареспубликаҿы аофициалтә визит аҳәаақәа ирҭагӡаны, Қырҭтәыла авице-аҧыза, адәныҟатәи аусқәа рминистр Мака Боҷоришвили Казахстантәи ареспублика адәныҟатәи аусқәа рминистр Ермек Кошербаев диҧылеит.

Қырҭтәыла Адәныҟатәи аусқәа рминистрра адыррақәа рыла, аиҧылараҿы Қырҭтәыла аҧыза-министр Казахстан ивизит аҳәаақәа ирҭагӡаны Қырҭтәылеи Казахстани рстратегиатәи партниорра арҕәҕәара аҵакы иалацәажәеит.

„Аганқәа рхаҭарнакцәа ҩ-ганктәи аизыҟазаашьақәа рырҭбаара аперспективақәа ирылацәажәеит. Иаҵшьны иазгәаҭан ҩ-тәылак рыбжьара иреиҳаӡоу аҩаӡараҟны адиалог анагӡара аҵакы.

Хшыҩзышьҭра ҷыда азун „Абжьаратә корридор“ аҿиара апроцесс аҿы Қырҭтәылеи Казахстани русеицуреи ҩ-тәылак рыбжьара ахәаахәҭра-економикатә аимадарақәа рырҭбаареи аҵакы“, – иануп Қырҭтәыла Адәныҟатәи аусқәа рминистрра аинформациаҿы.