Ҳара ашықәсҿыцтәи  аҧсаҵла арлашара ахырҧаразы аӡбара ҳадаҳкылеит. Аҧсаҵла арлашара иазку аусмҩаҧгатә мҩаҧгахоит арадикалтә оппозициа ахәыҷқәа амҩа рыздыркра иаҟәыҵны,  аҧсаҵла дырлашарц  алшара анрырҭалак.  Иахьатәи амшгьы лабҿаба иаҳнарбеит арадикалтә фашизм аҵыхәа шыҧҵәатәу, — иҳәеит Қарҭ ахада Каха Калаӡе.

Иара иажәақәа рыла, аоппозициаа аҧсаҵла аҧхьа ахәыҷқәа ирызкыз аҭыҧ ааныркылеит.

«Арадикалтә оппозициаа араагьы, аҧсаҵла аҧхьа ахәыҷқәа рҭыҧ ааныркылеит. Русҭавели имҩадуаҿ арадикалатә оппозициа еизеит. Дара апровокациақәак ҟарҵеит, асценашҟа апаҭлыкақәа дыршәон.  Иацы Зурабишвилигьы апровокациақәа ирызкны аҳәамҭа ҟалҵеит, дара уи азы рҽазыҟарҵон.  Убри аҟынтә, ҳтәылауаа рахь ааҧхьара ҟаҳҵоит. Ауаа рацәа, ишынҭаҳцәароу, рхәыҷқәа рыманы, ари аумҩаҧгатә аҽалархәразы еизеит, аха, ҳара акы еиҧшымкәа ҳрыҳәоит Русҭавели имҩаду ашҟа идәықәымларц, еилыҵырц.

Арадикалтә оппозициа ахәыҷқәа ринтересқәа ишатәарымбо иубарҭахеит дара ашколқәа рҿы аполитикатә кампаниа ианалагаз.  Абри зегьы иазҧхьагәаҭаны, ҳара аҧсаҵла арлашара иазку аусмҩаҧгатә ахырҧаразы аӡбара ҳадаҳкылеит.  Аҧсаҵла арлашара иазку аусмҩаҧгатә мҩаҧгахоит арадикалтә оппозициа ахәыҷқәа амҩа рыздыркра иаҟәыҵны,  аҧсаҵла дырлашарц  алшара анрырҭалак.  Иахьатәи амшгьы лабҿаба иаҳнарбеит арадикалтә фашизм аҵыхәа шыҧҵәатәу, — иҳәеит Қарҭ ахада Каха Калаӡе.