Ирантәи амедиа - „Аилибакаара амеморандум“ инақәыршәаны, америкатә мчқәа ирантәи абаҕәазақәа рзы амшынтә блокада аҧырхоит, уи ацынхәрас, ирантәи аган Ормузтәи аӡыбжьахалаҿ аҕбақәа ртранзит еиҭашьақәдыргылоит
Иран аҳәынҭқарратә телееилахәыра Америкаҟны „Аилибакаара амеморандум“ аиқәшаҳаҭра иазку аинформациа аланарҵәеит.
Апроект инақәыршәаны, америкатә мчқәа ирантәи абаҕәазақәа рзы амшынтә блокада аҧырхоит.
Ирантәи амедиа адыррақәа рыла, уи ацынхәрас, ирантәи аган Ормузтәи аӡыбжьахалаҿ аҕбақәа ртранзит еиҭашьақәдыргылоит.
Иара убас, ишдыру ала, Иран Ормузтәи аӡыбжьахалаҿ аҕбақәа реиҭаҵреи амаршрутқәеи мҩаҧнагоит Оман аҟны аусеицурала.
Иран аҳәынҭқарратә телееилахәыра адыррақәа рыла, аганқәа 60 мшы ирылагӡаны аҵыхәтәантәи аиқәшаҳаҭра рыдыркылар, уи ЕАР Ашәарҭадара ахеилак хымҧадатәи арезолиуциала ишьақәырҕәҕәахоит.
Иара убас, Тегеран ишырҳәаз ала, Вашингтон Иран иазыманшәалоу аҭагылазаашьақәа шьақәдмырҕәҕәар, Тегеран ари аиқәшаҳаҭра пункткгьы нарыгӡом.
