Иахьа иреиҳаӡоу аҵара ареформа аконцепциа шьақәҳарҕәҕәоит.  Ари ареформа хықәкыс иамоуп ақырҭуа студентцәа Қырҭтәылаҿ иҳаракӡоу астандартқәа ирышьашәалоу аҵара аиура алшара рыҭара, – иҳәеит Қырҭтәыла аҧыза-министр Иракли Кобахиӡе аиҳабыра реилатәараҿы.

Кобахиӡе иажәақәа рыла, аҵара ареформа аҵакы ҷыда анашьатәуп, избанзар, аҵара бзиа змам ауаажәларра атәылазы зегьы реиҳа ишәарҭоуп.

„Жәышықәса рыҩныҵҟа ҳтәылаҿы хықәкыла аҵара асистема зырҧсыҽуаз амчқәа ибзиаӡаны ирдыруан аҵара, ишиашо амилаҭтә шәарҭадара ишадҳәалоу. Аҵара бзиа змоу ажәлар зегьы иреиҕьны атәыла амилаҭтә интересқәеи ашәарҭадареи  рыхьчара рылшоит. Ҳтәыла бзиарак азеиҕьазымшьоз амчқәа уи рдыруан, убри аҟынтә,  2004-2012 шықәсқәа рзы иреиҳаӡоу аҵарагьы, азеиҧш аҵарагьы хықәкыла арҧсыҽреи арбгареи  иаҿын.  90-тәи ашықәсқәеи, анеҩс,  2004-2012 шықәсқәеи рзы иҧхасҭаз зегьы ириашатәуп. Абри ауп иреиҳаӡоу аҵара асистема ареформа хықәкыс иамоу.

Уаҵәы аҵара аминистр азеиҧш аҵара аконцепциа цәыригоит. Аҵара ареформа, ахатә ҵакыла, акомплекстә ҟазшьа амазароуп, азеиҧш аҵара аусхкы аҿы имҩаҧгахо ареформагьы аҵакы ду амоуп. Уаҵәы аҵара аминистр ари азҵааразы ҳуааҧсыра инарҭбаау аинформациа риҭоит“, – иҳәеит Иракли Кобахиӡе.