Ацентртә Азиа иалсны Мрагыларатә Азиеи Европеи еидызҳәало Абжьаратә корридор ҳаамҭазтәи адунеиаҿ лассы иуҧымло алшарақәа ҳнаҭоит  – агеополитикатә аимакқәа ириааиуа,  иҭышәынтәалоу, игәрагоу атранзиттә маршрут ҳаднагалоит  – иҳәеит Қырҭтәыла аҧыза-министр Иракли Кобахиӡе Адунеитә еиҳабырақәа 2026 шықәсатәи рсаммит аҿы данықәгылоз.

 Кобахиӡе иажәақәа рыла, атрадициатә маршрутқәа уажәшьҭа рыгәра угар ахьыҟамло ҳаамҭазтәи адунеиаҿ хымҧада альтернативтә корридорқәа еиқәыршәатәуп.

«Иахьа ҳҿаҧхьа зҵаарак иқәгылоуп, атрансформациа шымҩаҧысуа лабҿаба иубарҭоуп, аха, ҳара уи ҳшазныҟәаша ҳаӡбароуп; агеополитикатә шокқәа ириааиша, иара убас, мышхәыбзазара еиқәзыршәаша иҭышәынтәалоу  ахәаахәҭратә система еиҿаҳкаароуп.

Атрадициатә маршрутқәа уажәшьҭа рыгәра угар ахьыҟамло ҳаамҭазтәи адунеиаҿ хымҧада альтернативтә корридорқәа еиқәыршәатәуп. Аимакқәа рыхгара зылшо атәыла аглобалтә економика зеиҧшҟамлац аҵакы амоуп. Аекономика армаҷра акәымкәа, иаҳа иҭышәынтәалоу ахәаахәҭроуп адунеи иаҭаху.  Аиҟәыҭхара акәымкәа  — аинтеллектуалтә диверсификациоуп адунеи иаҭаху. Аганқәа иҟарҵо алхра акәымкәа   — зыгәра угаша аидҳәаларатә ацҳақәа роуп адунеи иаҭаху.

Абари ауп  «Абжьаратә корридор» изызку, уи баша варианк акәӡам, уи аглобалтә економиказы зда ҧсыхәа иҟам ҭагылазаашьас иҟалеит.  «Абжьаратә корридор» ҳаамҭазтәи адунеиаҿ лассы иуҧымло алшарақәа ҳнаҭоит  – агеополитикатә аимакқәа ириааиуа,  иҭышәынтәалоу, игәрагоу атранзиттә маршрут ҳаднагалоит», — иҳәеит аҧыза-министр.