«Аартызаара иазку азакәан азинтә принципқәа ирышьашәалоуп. Ҳара европатәи, америкатә, ма ақырҭуа ҳпартниорцәа рҟны адискуссиа амҩаҧгара ҳазыхиоуп», — иҳәеит Қырҭтәыла аҧыза-министр Иракли Кобахиӡе Германтәыла аканцлер Олаф Шольци иареи еицымҩаҧыргаз апрессконференциаҿы.

Кобахиӡе игәаанагарала, адемократиатә уаажәларраҿы, адемократиатә системаҿы аартызаара альтернатива амам.

«Ҳара ҳазнеишьа,  ҳара ҳпозициақәа ҕәҕәоуп. Ари азакәан даараӡа икьаҿуп. Уи ала акоуп иазҧхьагәаҭоу  — иҳәынҭқарратәым аиҿкаарақәа есышықәса афинанстә информациа цәырыргалароуп. Афинансқәа раартра иарбанзаалак аиҿкаара аусура иаҧырхагахоит ҳәа аӡәгьы изыҳәом.  Сара исҳәо ииашам ҳәа шәгәы иаанагозар,  ҳара адискуссиа ҳазыхиоуп,  даҽазнык еиҭасҳәар сҭахуп,  азакәан акоуп иазҧхьагәанаҭо  – иҳәынҭқарратәым аиҿкаарақәеи иашьашәалоу АИХқәеи есышықәса рфинансқәа ирызку аинформациа цәырыргароуп.

Ҵыҧх,  раҧхьатәи ахәаҧшраан адискуссиа мҩаҧгамызт,  убри аҟынтә,  уажәы адискуссиа мҩаҧгахар,   ҳпозициақәа ҕәҕәазаауеит. Адемократиатә уаажәларраҿы,  адемократиатә системаҿы аартызаара альтернатива амам», — иҳәеит  Иракли Кобахиӡе.