Иракли Кобахиӡе Бриуссель ашҟа ивзит аҵак ду амоуп, уи ҳтәыла иӷәӷәоу аимпульс ҿыц азаанагоит, – иҳәеит Адәныҟатәи аусқәа рминистр Илиа Дарчиашвили.

Илиа Дарчиашвили иажәақәа рыла, авизит аҳәаақәа ирҭагӡаны Иракли Кобахиӡе зыҩаӡара ҳараку аиԥыларақәа мҩаԥигоит.

„Европатәии евроатлантикатәи аинтеграциа амҩаҿ Қырҭтәыла аҧыза-министр Иракли Кобахиӡе раҧхьатәи авизитла Бриуссельҟа ддәықәлеи. Имҩаԥгахоит Қырҭтәыла-Евроеидгыла ассоциациатә хеилак 8-тәи аилатәара.

Ахеилак аилатәара ада, Иракли Кобахиӡе зыҩаӡара ҳараку аиԥыларақәа мҩаԥигоит Евроеидгыла алидерцәа рҟны“, – иҳәеит Дарчиашвили.

Қырҭтәыла аҧыза-министр Иракли Кобахиӡе раҧхьатәи авизитла Бриуссельҟа ддәықәлеит. Авизит аҳәаақәа ирҭагӡаны, аҧыза-министр, Евроеидгылеи НАТОи рҿы аиҧыларақәа мҩаҧигараны дыҟоуп. Иракли Кобахиӡе Қырҭтәыла-Евроеидгыла ассоциациатә хеилак 8-тәи аилатәара ихы алаирхәоит, анеҩс, аҧыза-министр Иракли Кобахиӡеи, адәныҟатәи аусқәеи ашәарҭадара аполитикеи азҵаарақәа рзы Евроеидгыла иреиҳаӡоу ахаҭарнак, Еврокомиссиа авице-ахада Жозеп Боррели, европатәи агәыларатә политикеи арҭбаареи азҵаарақәа рзы еврокомиссар Оливер Варҳеи апрессконференциа еицымҩаҧыргоит. Авизит аҳәаақәа ирҭагӡаны, аиҳабыра рнапхгаҩы НАТО амаӡаныҟәгаҩ хада диҧылоит, иара убас, НАТО-Қырҭтәылатәи акомиссиа аилатәара ихы алаирхәоит. Бриуссель аҧыза-министр аиҳабыратә делегациа ицуп, аделегациа иалоуп: актәи авице-аҧыза, аекономикеи иҭышәынтәалоу аҿиареи рзы аминистр Леван Давиҭашвили, авице-аҧыза, атәылахьчара аминистр Иракли Чиқовани, адәныҟатәи аусқәа рминистр Илиа Дарчиашвили, аинаалареи атәылауаҩратә аиҟарареи азҵаарақәа рзы аҳәынҭқарратә министр Ҭеа Ахвледиани.