Гьаргь Џьанџьҕава – Ердоҕан иааҧхьарала, аҧыза-министр дызхагыло ақырҭуа делегациа Ҭырқәтәыла ахада иинаугурациа иалахәхоит
Ҭырқәтәыла ахада Реџьеп Таип Ердоҕан иааҧхьарала, аҧыза-министр дызхагыло ақырҭуа делегациа Анкара имҩаҧысуа аныҳәатә уснагӡатәқәа рхы рыладырхәоит. Ари атәы ааицҳаит Ҭырқәтәыла иҟоу Қырҭтәыла ацҳаражәҳәаҩ Гьаргь Џьанџьҕава.
Иара иажәақәа рыла Ердоҕан иинаугурациа рхы аладырхәоит адунеи шә-тәылак инареиҳаны рлидерцәа.
«Урҭ ирылыскаар сҭахуп Азербаиџьан ахада, Болгариа ахада, Монтенегро ахада, Албаниа аҧыза-министр, Венгриа аҧыза-министр, иара убас, Евроеидгыла аҳәынҭқаррақәеи азиатә ҳәынҭқаррақәеи рлидерцәеи. Ишыжәдыруа еиҧш, Ҭырқәтәыла хара ҳзы аиҩызаратә тәылоуп, ҳстратегиатә партниоруп», — иҳәеит Џьанџьҕава.