«Ацивилизациатә дунеи зегьы ирҳәоит авиаеилахәыра  «Азимут» аҧырра азин амам ҳәа, аха,  Қырҭтәыла аиҳабыра ари авиаеилахәыра бзиала шәаабеит ҳәа рарҳәеит. Ари аҳаирплан ҳара ҳҿы комфортла изтәом. Раҧхьатәи аҧырраан ҳазынтәгьы ҳаидгыланы, ақырҭуа уаажәларра ахьыҟоу идҳарбароуп», — илҳәеит апартиа «Дроа» алидер Елене Хоштариа иахьа имҩаҧгаз абрифинг аҿы.

Лара лажәақәа рыла, лаҵара  19 рзы Ареспублика ашҭаҿ еизаны, Қырҭтәылеи Урыстәылеи рыбжьара авиаеилахәыра  «Азимут Еирлаинс» аҧырра иадҳәаланы апротест ҟарҵоит.

Авиаеилахәыра  «Азимут» асанкциақәа азышьақәзыргылаз атәылақәа лдыруама ҳәа ианлазҵаа, Хоштариа абас аҭак ҟалҵеит:

«Ари авиаеилахәыра европатәи тәылакахьгьы изыҧыруам, уи аҳаиртә санкциоуп, атәара улымшозар, уи асанкциоуп. Асанкциақәа ррежимқәа еиҧшым», — илҳәеит Елене Хоштариа.

Қырҭтәылеи Урыстәылеи рыбжьара ишиашоу авиареисқәа рымҩаҧагара алагара згәы иҭоу урыстәылатәи авиаеилахәыра  «Азимут»  ахатә саитаҿ Аҧсни Аахыҵ Уаҧстәылеи  ихьыҧшым  аҳәынҭқаррақәа рсиа ианырхит.