Аполитикатә аа-партиак аҭыҧантә алхрақәа рҽалархәразы мап ркит, убри аҟынтә, Елене Хоштариеи Гедеван Ҧоҧхаӡеи амлашьра иаҟәыҵит.

Елене Хоштариа, апарламент ахыбра аҧхьа, зыӡбахәы ҳәоу апартиақәа еицыҟарҵаз аҳәамҭа даҧхьеит.

«Ҳара, Мраҭашәара иадгыло, Иванишвили урыстәылатәи ирежим аҧыхреи Қырҭтәыла ахьыҧшымреи асуверинитети, адемократиатә напхгараҭареи, иара убас, ҳтәыла Евроеидгылеи НАТОи рахь алалареи иазықәҧо  аполитикатә партиақәа еицҿакны иааҳацҳауеит: 1. Ҳара аҭыҧантәи ахаланапхгаратә органқәа рахь алхрақәа рҽаларыхәразы мап ҳкуеит, избанзар, уажәтәи аҭагылазаашьаҿы ари апроцесс аҽалархәра ҳуааҧсыра ринтересқәа ирыҵанакуам ҳәа ҳгәы иаанагоит, уи азакәандаратә аурыс режим алегитимациа аҳҭоушәа иубарҭахоит; 2. Ҳара аусеицура ахымҧадара еилаҳкаауеит, иҳалшо зегьы ҟаҳҵоит идемократиатәым аолигархиатә система аҧыхразы. Ҳгәы ишаанаго ала, аиааранӡа ҳназго афакторқәа иреиуп арежим аус ацуразы мапкра. Қырҭтәыла ауааҧсыра зегьы ҳрывагыланы, зегьирзеиҧшу амилаҭтә аҿагылара наҳагӡоит. Аҵыхәанӡа», — иануп аҳәамҭаҿы.

Аҳәамҭа рнапы аҵарҩит абарҭ апартиақәа: «Ахақәиҭра ашҭа»; «Европатәи Қырҭтәыла»; «Иаку амилаҭтә ҵысра». «Аҕмашенебели истратегиа»; «Ахали»; «Гирчи». «Дроа»; «Афедералцәа».