Ҳара еилкаам амҩеихысырҭаҿ ҳгылоуп. Убри амшалоуп адәахьы ауаа змаҷхаз,  ауаа ҳара имҩаҧааго ақәҧара хықәкыс иамоу рзеилкаауам, — илҳәеит «Аиҭакрақәа рзы акаолициа» алидерцәа иреиу Елене Хоштариа апрограмма «Полит-Қалақи» азы ианылҵаз аинтервиу аҿы.

«Сара аоппозициаа рҟынтә аӡә ашантаж абызшәала сиацәажәар сҭахым. Ажәлар ҳақәҧара зызку цқьа ирдыруазароуп. Абри ауп аоппозициаа рҟынтә избар исҭаху», — илҳәеит Елене Хоштариа.

Апрограмма амҩаҧгаҩ Елене Хоштариа длазҵааит — «Аоппозициаа, еиқәшаҳаҭны, алхрақәа рахь ҳцом ҳәа рҳәар, амлакра шәаҟәыҵуама?» —   «Ааи» – илҳәеит Хоштариа.

«Алхрақәа рҿы аманипулиациақәа анымҩаҧысуаз аетап ҳахысит. Атәыла анапхгара алхрақәа рҵакы иаҧырхит. Дара зеиҧшҟамлац ала ирҭахуп аоппозициаа алхрақәа рхы рыладырхәырц», — илҳәеит Елене Хоштариа.