«Чехиа ацҳаражәҳәаҩ  Петр  Микиску Қырҭтәыла Адәныҟатәи аусқәа рминистррашҟа иҧхьеит», — аарыцҳаит Қырҭтәыла адәныҟаполитикатә усбарҭа аҟынтәи.

Аминистрра адыррала, ацҳаражәҳәаҩ иҧхьеит иара уажәааны иҟаиҵаз аҳәамҭа амлаша. Петр Микиску ишиҳәаз ала, Чехиантә Қырҭтәылаҟа иаарго аалыҵ ахәҭак, асанкциақәа еилаганы, Урыстәылаҟа идәықәырҵоит.

«Адәныҟатәи аусқәа рминистр ихаҭыҧуаҩ Алеқсандр  Хвҭисиашвили  чехиатәи аган даҽазнык аинформациа риҭеит абри аҩыза афактқәа раҧыхразы  Қырҭтәыла имҩаҧнаго ауснагӡатәқәа ирызкны.  Ақырҭуа аган ацҳаражәҳәаҩ иҟынтә аилыркаарақәа иаҳәеит  ииашам аинформациа аларҵәара иадҳәаланы.   Чехиа ацҳаражәҳәаҩ ишиҳәаз ала, иара иажәақәа ииашамкәа аинтерпретациа рызун. Аиҧылараан Чехиа ацҳаражәҳәаҩ ишьақәирҕәҕәеит асанкциақәа ирыдҳәаланы Қырҭтәылахь изакәызаалак зҵаарак шрымам», — иануп Адәныҟатәи аусқәа рминистрра аинформациаҿы.