BBC, аҳәаанырцәтәи амаҵзура ҷыдақәа рыдҵала, ҳтәыла адискредитациа иазку  адезинформациа аналанарҵәо, ҳәарада, ақырҭуа амаҵзура ҷыдақәа аусеилыргара амҩаҧгара рыхәҭан. Ҳара алҵшәа ҳбеит  — ҳуааҧсыра уи уаанӡагьы ирдыруан, ҳтәылауаа реиҳара ихарымҵеит  1930 шықәса анеҩс иқәиҭыму амаҭәашьар Қырҭтәылаҟа ишаагаз, — иҳәеит азинтә зҵаарақәа рзы апарламенттә комитет ахантәаҩы Арчил Гордулаӡе.

«Аусеилыргара ишьақәнарҕәҕәеит Аҩныҵҟатәи аусқәа рминистрра иаанахәаз амаҭәашьар еиуеиҧшым атәылақәа рҿы амчыларатә акциақәа раан  рхы ишадырхәо, иара убас, ишьақәырҕәҕәоуп ари амаҭәашьар Израиль аҟынтәи ишаагоу. Нас, уажәы излаҟо ала, ВВС Израиль ахаранаҵоит иқәиҭыму амаҭәашьар Қырҭтәыла азыҭира, уи мцуп, игаӡароуп.  Даҽазнык лабҿаба иубарҭахеит амаҵзура ҷыдақәеи аҳәаанырцәтәи амчқәеи ҳтәылаҿ аилаҩынтәра аиҿкаара ишазҿлымҳау», — иҳәеит  Арчил Гордулаӡе.