«Ақырҭуа жәлар Подолиак дызусҭоу рдыруеит,  2022 шықәсазы ҳтәылеи ақырҭуа жәлари дырҿагыланы иҟаиҵоз аҳәамҭақәа ҳгәалашәоит», — иҳәеит Қырҭтәыла апарламент аиуристтә комитет ахантәаҩы  Арчил Гордулаӡе.

Иара Украина ахада иофис абжьагаҩ  Михаил Подолиак иҳәамҭа дахцәажәеит. Подолиак иҳәеит: «Қырҭтәыла ауааҧсыра реиҳара  «Ақырҭуа гәахәтәы» рполитика интересс ирымам.

«Иареи Украина анапхгареи Қырҭтәыла иаҿагыло аҳәамҭақәа ҟарҵоит. Ҷыдала, аҩбатәи афронт аартра ианалацәажәоз.    Подолиак  ҳтәыла даҿагыланы аҳәамҭа ҟаиҵеит.  Иажәа цыҧхьаӡа ҳтәыла аинтересқәа ирҧырхагоуп. Ҳара Украина анапхгараҿы иҟоу аилагарақәа ҳрылацәажәом, уи ауми. Ҳара аукраина жәлар ҳрыцхраауеит. Украина изҭагыло арыцҳара иазҧхьагәаҭаны, дара иҟарҵо аҳәамҭақәа реиҳара аҭак раҳҭом.  Аха, арҭ ауаа, ишиашо, ҳтәыла аҩныҵҟатәи аусқәа рҽаларгалоит», – иҳәеит  Арчил Гордулаӡе.