Евробиурократиа ахаҭарнакцәа ари атәылаҿы аполитикатә аиҿагылара иҟазарц азыҳәан ирылшо зегьы ҟарҵеит, – иҳәеит аиуристтә зҵаарақәа рзы апарламенттә комитет ахантәаҩы Арчил Гордулаӡе.

Гордулаӡе Евроеидгыла адәныҟатәи аполитикатә усбарҭа анапхгаҩы Каиа Каллас иҟаиҵаз аҳәамҭа дахцәажәеит. Каллас илҳәеит: „Украина иадҳәалоу аиҿцәажәарақәа раан Евроеидгыла Урыстәылантә иаҳәар алшоит Молдовеи Қырҭтәылеи рҟынтә арбџьармчқәа ралгара, уи европатәи ашәарҭадаразы аҵакы ду амоуп“.

Гордулаӡе ишазгәеиҭаз ала, евробиурократиа ахаҭарнакцәа рхымҧаҧгашьа  аҳәаақәа зегьы ирҭыҵит,  уажәы иҟарҵо ҳәамҭақәак рыла уи рыздыриашом.

„Каиа Каллас ахсаалаҿы Қырҭтәыла лыҧшаау арҭ аҳәамҭақәа лхаҭыҧуаа илзырыҩу? Каиа Калласи, Марта Косси, Евробиурократиа егьырҭ ахаҭарнакцәеи ирылшоз зегьы ҟарҵеит ари атәылаҿы аполитикатә аиҿагылара ҟаларцаз, ақырҭуа жәлар еиҿадыргыларц, ацәымҕратә кампаниақәа мҩаҧыргон,  дара рхаҭарнакцәа, ацәымҕратә бызшәала иалкаау ауаа  ирыдгылан, аконкреттә тәылақәа рдәныҟатәи аусқәа рминистрцәа акциаҿы игылан. Дара рхымҧаҧгашьа  аҳәаақәа зегьы ирҭыҵит,  уажәы иҟарҵо ҳәамҭақәак рыла уи рыздыриашом “, – иҳәеит Гордулаӡе.