Алхратә администрациа аҿҳәарақәеи, аҧҟарақәеи, апроцедурақәеи ирыдҳәланы аинформациа аланарҵәеит.

„Атәылаҿы, раҧхьаӡа акәны, Қырҭтәыла ахада аҧҟара ҿыцла далырхуеит  –  5 шықәса аҿҳәара иҭаны, атәыла ахада далырхуеит алхратә коллегиа  300ҩык алахәылацәа. Алхрақәа ирыдҳәалоу аҿҳәарақәеи, аҧҟарақәеи, апроцедурақәеи иҧсахуп. Ари азҵаара иазҿлымҳау аганқәа ииашам аинформциа аладырҵәоит, убри аҟынтә, алхратә администрациа, апрезидентә алхрақәа ирыдҳәаланы, инарҭбаау аинформациа аланарҵәоит.

Раҧхьа иргыланы, иазгәаҭатәуп атәыла ахада иалхрақәа ррыцхә апарламент ишышьақәнаргыло. Қырҭтәыла Аконституциа инақәыршәаны, Қырҭтәыла апрезиденттә алхрақәа мҩаҧысуеит   ҿыц иалху апарламент актәи аилатәара инаркны  45 мшы рыҩныҵҟала. Убри аҟынтә, апарламент, ҧхынҷкәын 14 рзы апрезиденттә алхрақәа рымҩаҧгаразы  аӡбара аднакылеит Аконституциа инақәыршәаны.

Алхрақәа реиҿкаара азҵаара иадҳәаланы иазгәаҭатәуп  – алхрақәа еиҿнакаауеит Алхратә комиссиа хада. Алхратә комиссиа хада алхратә коллегиа аилазаара шьақәнарҕәҕәоит алхрақәа рҟнынӡа 11 мшы еиҵамкәа ишагу  ( ҧхынҷкәын 3 ).

Атәыла ахада иҭыҧаз акандидат иқәыргылара рылшоит Алхратә коллегиа 30ҩык иреиҵамкәа алахәылацәа, алхрақәа рҟынӡа 9 мшы еиҵамкәа ишагу  (ҧхынҷкәын 5). Акандидат ирегистрациа мҩаҧнагоит Алхратә комиссиа хада, алхрақәа рҟынӡа 6 мшы еиҵамкәа ишагу  ( ҧхынҷкәын 8 ).

Абжьыҭира амш азы, Қырҭтәыла ахада иалхрақәа  (актәи атур) мҩаҧысуеит Қырҭтәыла апарламент аханаҿ, алхрақәа рымш азы асааҭ 09:00 инаркны  14:00-нӡа.  Алхрақәа актәи атураҿ аиааира игеит ҳәа дыҧхьаӡахоит алхратә коллегиа аилазаара наӡа аҟынтә ахҧа рыҩба еиҵамкәа рбыжьқәа зауз акандидат. Актәи атураҿ атәыла ахада далрымхыр, аҩбатәи атур убри аҽныҵәҟьа имҩаҧгахоит, аиааира игоит зегьы реиҳа ирацәаны  абыжьқәа зауа акандидат“, – иануп Алхратә комиссиа хада иаланарҵәаз аинформациаҿы.

Алхратә комиссиа хада адыррала, акомиссиа аилатәараҿы, иара убас, иҳәаақәҵан азинмчы змоу аполитикатә аидҵарақәа алхратә коллегиаҿы ирымоу аквотақәа.

Алхратә комиссиа хада ақәҵара инақәыршәаны, алхратә коллегиаҿы аквотақәа абас еизшоуп:

1. №1 – „Аҕмашенебели истратегиа“- алхратә коллегиаҿы алахәылак;
2. №2 – „Европатәи Қырҭтәыла“ – алхратә коллегиаҿы ҩыџьа алахәылацәа;
3. №5 – „Акзаара – Амилаҭтә ҵысра“ – алхратә коллегиаҿы 36ҩык алахәылацәа;
4. №8 – „Қырҭтәыла апатриотцәа ралианс“ – алхратә коллегиаҿы алахәылак;
5. №9 – „Қырҭтәыла ҕәҕәа – Лело!” – алхратә коллегиаҿы алахәылак;
6. №10 – Қырҭтәыла алеибористтә партиа – алхратә коллегиаҿы алахәылак;
7. №25 – „Гахариа Қырҭтәылазы“ – алхратә коллегиаҿы жәҩык алахәылацәа;
8. №41 – „Ақырҭуа гәахәтәы – адемократиатә Қырҭтәыла“ – алхратә коллегиаҿы 54ҩык алахәылацәа;
9. №45 – „Гирчи“ – алхратә коллегиаҿы алахәылак.