Алхратә комиссиа хада ахантәаҩы Гьаргь Каландаришвили иҳәамҭала, уаҵәы, жьҭаара 4 рзы, аҭыҧантәи ахаланапхгаратә алхрақәа раан, атәыла зехьынџьара  атәылауаа иалырхуеит  64 сакребуло  рахь 2 058ҩык адепутатцәеи, иара убас,  64 ақалақьқәа рхадацәеи.

Алхрақәа ирыцклаҧшуеит  28ҩык жәларбжьаратәи  27ҩык аҭыҧантәии анаҧшратә аиҿкаарақәа, ари апроцесс иҭырхуеит   73 амассатә информациатә хархәагақәа рҟынтә зқьҩык раҟара ажурналистцәа.

«Атәыла зехьынџьара иаартуп 3 061 алхырҭақәа, урҭ рҟынтә  2 284 алхырҭақәа рҿы абжьыҭира мҩаҧгахоит аелектронтә формала,  777 алхырҭақәа рҿы атрадициатә ҧҟарала.

Жьҭаара 4 рзы аҭыҧантәи ахаланапхгаратә алхрақәа рзы абжьыҭира рҽаладырхәоит  3 513 818ҩык алхыҩцәа», — иҳәеит Алхратә комиссиа хада ахантәаҩы.

Каландаришвили иажәақәа рыла, алхрақәа заанаҵтәи алҵшәақәа еилкаахоит алхырҭақәа андырклак  1-2 сааҭ рышьҭахь.