Қырҭәтыла аекономикеи иҭышәынәталоу аҿиареи рзы аминистр Мариам Қвривишвили Азербаиџьан лофициаләт визит аҳәаақәа ирҭагӡаны, лара Азербаиџьан ахада Ильҳам Алиев диҧылеит. Ари аинформациа аланарҵәеит Қырҭәтыла Аекономикеи иҭышәынтәалоу аҿиареи рзы аминистрра.

Аминистрра аинформациа ишану ала, аганқәа рхаҭарнакцәа даҽазнык ишьақәдырҕәҕәеит аигәыларатәи астратегиатә партниортәи еизыҟазаашьақәа ишрызәгыку.

Мариам Қвривишвили  азербаиџаьнтәи аган ҭабуп ҳәа ралҳәеит Қырҭәтыла ахьыҧшымреи аҵакырадгьылтә акзаареи адгыларазы.

Аганқәа рхаҭарнакцәа иаҵшьны иазгәарҭеит Аахыҵ Кавказ арегионаҿ аҭынчреи аҭышәынәталареи аиқәыршәараҿы Қырҭәтылеи Азербаиџьани русеицура ароль ду шынанагӡо.

Хшыҩзышьҭра ҷыда азун атәылақәа рыбжьара ахәаахәҭра-економикатә аимадарақәа рырҭбаара азҵаара.

Аиҧылараҿы ишазгәаҭаз ала, астратегиатәи проектқәа рәҳаақәа ирҭагӡаны атәылақәа русеицура аҩ-тәылак рекономикатә арбагақәа иныҧшуеит.

Аиҧылара алхәылацәа ҷыдала иззааҭгылаз астратегиатә проектқәа иреиуп аенергетика аусхкы аҿы аусеицура зырҭбаауа аенергетикатә кабель апроекти, аихамҩа  Бақәа–Қарҭ–Ҟарс апроекти. Ишазгәаҭаз ала, ахыркәшаранӡа инеихьоу ари апроект Қырҭәтылеи, иара убас, Азербаиџьани ртранзиттә потенциал азнарҳауеит.

Аганқәа рхаҭарнакцәа активла аусура анагӡареи астратегиатә проект ҿыцқәа рынагӡаразы аконкреттә шьаҿақәа рыҟаҵареи азы еиқәшаҳаҭхеит.

Аиҧылара ихы алаирхәит Азербаиџьан иҟоу Қырҭәтыла ацҳаражәҳәаҩ Зураб Патариӡе», — иануп аинформациаҿы.