Қырҭтәыла Аекономика аминистрра адыррақәа рыла,  2025 шықәса ажьырныҳәа-жьҭааразы Қырҭтәыла аекономика азҳаит  6,0%-ла, ари аамҭа иалагӡаны абжьаратә економикатә азҳара  7,6% иаҟаран.

«2025 шықәса жьҭааразы аекономикатә азҳараҿы алагала ду ҟарҵеит аинформациеи акоммуникациақәеи, атранспорти, агәабазиарахьчареи, афинансқеи аусхкқәа. Ажьырныҳәа-жьҭааразы аекономикатә азҳара иацхрааит адәныҟатәи ахәаахәҭраҿ иҟаз атенденциа бзиақәа.

Агентра  Fitch ала ареитингтә перспективақәа реиҕьтәра афакт ишьақәнарҕәҕәоит Қырҭтәыла адәныҟатәи ашокқәа рҟынтә ишыхьчоу. Жәларбжьаратәи авалиутатә фонд азҧхьагәаҭарақәа инрықәыршәаны, 2025–2030 шықәсқәа рзы арегиони Европеи атәылақәа рыбжьара Қырҭтәыла зегьы реиҳа идуу аекономикатә азҳара амазаауеит, абжьаратә арбага 5,4% иаҟарахоит», — иануп Аекономика аминистрра аинформациаҿы.