2025  шықәса абҵаразы аекспорт, ҵыҧхтәи ашықәс аасҭа  44.2%-ла иазҳаит, ари арбага зеиҧшҟамлац ала идууп,  782.3 миллион адоллар иаҟарахеит. Ари аинформациа аланарҵәеит Қырҭтәыла Аекономика аминистрра.

Аминистрра адыррақәа рыла, зынӡа, ажьырныҳәеи абҵареи рзы аекспорт азҳаит 10.1%-ла.

„2025 шықәса абҵаразы аимпорт  1.4%-ла имаҷхеит, ари арбага  1,455.6 миллион адоллар иаҟаран, ажьырныҳәа-абҵаразы  9.3%-ла иазҳан,  16,598.1 миллион адоллар иаҟарахеит. Сынтәа абҵаразы ахәаахәҭратә аикәшара арбага  2,237.9 миллион адоллар иаҟаран, ари арбагагьы ҵыҧхтәи иашьашәалоу аамҭа арбага аасҭа 10.9%-ла еиҳауп.  Ажьырныҳәа-абҵаразы ахәаахәҭратә аикәшара арбага  9.5%-ла иазҳан,  23,216.2 миллион адоллар иаҟарахеит, уигьы, аекспорт еиҧшҵәҟьа, арекордтә арбагоуп“, – иануп Қырҭтәыла Аекономикеи иҭышәынтәалоу аҿиареи рзы аминистрра аинформациаҿы.