„Адунеи аекономикатә хақәиҭра“ 2025 шықәсатәи ареитинг аҿы Қырҭтәыла 8 ҭыҧк рыла ҧхьаҟа ицеит,  165 ҳәынҭқаррақәа рыбжьара  25-тәи аҭыҧ ааннакылеит, – ари аинформациа аланарҵәеит Қырҭтәыла Аекономика аминистрра.

Аинформациа ишану ала, Қырҭтәыла ареитинг аҿы апозициагьы акәаталақәагьы еиҕьхеит.

„Ареитинг лабҿаба иаҳнарбоит атәылаҿы аекономикатә хақәиҭра ахаҭабзиара, уи азакәан ахадареи, аӡбара ахьыҧшымреи, хазхаҭалатәи амал ахьчазаареи, аинфлиациеи, абиурократиатә ақәыҕәҕәареи, авалиута аҭышәынтәалареи, аҭыҧантәии жәларбжьаратәи аџьармыкьақәа ралалара алшареи, егьырҭ апараметрқәеи ахәшьара рнаҭоит.

„Адунеи аекономикатә хақәиҭра“ ареитинг аҿы Қырҭтәыла Евроеидгыла иалоу  17 ҳәынҭқаррақәа раҧхьа игылоуп, урҭ роуп: Чехиеи, Австриеи, Швециеи, Латвиеи, Лиетувеи, Франциеи, Бельгиеи, Словакиеи, Италиеи, Норвегиеи, Румынтәылеи, Хорватиеи, Бырзентәылеи, Болгариеи, Словениеи, Польшеи, Венгриеи. Убри адагьы, Қырҭтәыла, акандидат астатус змоу атәылақәа зегьы рханы игылоуп.

„Адунеи аекономикатә хақәиҭра“ ареитинг аус аднаулеит канадатәи Frazer Institute. Ари апроцесс иалахәын аекономикатә хақәиҭра адунеитә аҳа иалоу аинститутқәа“, – иануп аинформациаҿы.