Аекономика аминистрра адыррақәа рыла,  2026 шықәса ажьырныҳәазы Қырҭтәыла аҳаирбаҕәазақәа рҿы апассаџьырцәа рхыҧхьаӡара азҳаит 16%-ла, ареисқәа рхыҧхьаӡара  –  16,17%-ла, имҩангоу аидарақәа рҭаӡара  –  38,75%-ла.

«Зыӡбахәы ҳәоу аамҭа иалагӡаны, Қырҭтәыла аҳаирбаҕәазақәа  613 933ҩык апассаџьырцәа рымаҵ руит: Қарҭтәи жәларбжьаратәи аҳаирбаҕәаза –  430 0349ҩык апассаџьырцәа, Қәҭешьтәи жәларбжьаратәи аҳаирбаҕәаза аднакылеит 138 028ҩык апассаџьырцәа, Баҭымтәи жәларбжьаратәи аҳаирбаҕәаза –  44 894ҩык.

2025 шықәсазы авиациатә сектор аҿы ахадаратә хырхарҭақәа зегьы рыла зеиҧшҟамлац азҳара иҟан. Ҵыҧх Қырҭтәыла аҳаирбаҕәазақәа  8 494 640ҩык апассаџьырцәа рымаҵ руит.  2025 шықәсазы ареисқәагьы зеиҧшҟамлац ала ирацәан. Ақырҭуа ҳаирбаҕәазақәа шықәсык ала  38 218 ареисқәа мҩаҧыргеит. Аҳаиртә аидарамҩангара аҭаӡара  38 578,379 тонна иаҟаран», — иануп Қырҭтәыла Аекономикеи иҭышәынтәалоу аҿиареи рзы аминистрра аинформациаҿы.