Қырҭтәыла аҧыза-министр Иракли Ҕарибашвили Ауаҩытәыҩса изинқәа рзы Европа Ахеилак акомиссар Дуниа Миатович дылҧылеит. Аганқәа рхаҭарнакцәа ауаҩытәыҩса изинқәа рыхьчара ахырхарҭала Қырҭтәыла имҩаҧгоу аусура иалацәажәеит. Иракли Ҕарибашвили Дуниа Миатович ҭабуп ҳәа леиҳәеит  Қырҭтәыла ауаҩытәыҩса изинқәа рыхьчареи адемократиатә аҿиареи аҿы Европа Ахеилак Апарламенттә Ассамбелиа иҟанаҵаз алагала ду азыҳәан. Иара ишазгәеиҭаз ала, Қырҭтәыла аиҳабыра ауаҩытәыҩса ихадаратә зинқәа рыхьчара иазгәыкуп.   

Аҧыза-министр ишиҳәаз ала, аиҳабыра рзы ахадаратә ҵакы змоу аҳасабтәқәа иреиуп ауааҧсыра зегьы рзы изҩыдоу алагылазаара аиқәыршәара.  Ҵыҧх, ЕАР агентрақәа инрываргыланы, жәлар рыхьчаҩ иофиси атәылауаҩратә сектори рҟны аусеицура ала,  аиҳабыра радминистрациа зылшарақәа маҷу ауааҧсыра рзинқәа рыхьчара аусбарҭабжьаратә координациатә комитет аҧырҵеит, уи Қырҭтәыла аиҳабыра рҿаҧхьа аҳасабырбара иауалуп, зылшарақәа маҷу ауааҧсыра рзинқәак рыхьчара  жәларбжьаратәии амилаҭтәи ҧхықәрақәа рынагӡара еиқәнаршәоит, урҭ рыгәҭа – зылшарақәа маҷу ауааҧсыра рзинқәа рыхьчара иазку ЕАР акомитет абжьагарақәагьы.  

Иара убас, аиҧылараҿы иазааҭгылеит Қырҭтәыла импыҵахалоу арегионқәа рызҵаарагьы  – Аҧсни Цхинвалтәи арегиони рҿы ауаҩытәыҩса изинқәа рыхьчара аганахьала аҭагылазаашьеи агуманитартә ҭагылазаашьеи. Иракли Ҕарибашвили Дуниа Миатович ҭабуп ҳәа леиҳәеит Қырҭтәыла ахьыҧшымреи аҵакырадгьылтә акзаареи адгыларазы, иара даҽазнык ишьақәирҕәҕәеит Қырҭтәыла аиҳабыра аимакқәа рҭыҧқәҵаразы аҭынчратә политика ишазгәыку.  

Аҧыза-министри Ауаҩытәыҩса изинқәа рзы Европа Ахеилак акомиссари Мрагыларатә Европа арегион аҿы ашәарҭадареи аҳасабтәқәеи ирзааҭгылеит. Иракли Ҕарибашвили ишазгәеиҭаз ала, Урыстәыла ала Қырҭтәылеи Украинеи рҵакырадгьылқәа рымпыҵахалара Европа ашәарҭадареи  жәларбжьаратәи аиҿкаареи иаҧырхагоуп.  

​​