Ҭелави Васил Маӷаԥериӡе асахьаркыра-документалтә ифильм “Аҳәынқар Ерекле – арепортаж аҭоурых аҟынтә” апремиера мҩаԥган.

Афильм аҳәынҭқар Ерекле аҩбатәи изкуп, уа аполитикахь даиаанӡа, аҳәынҭқар итәарҭа ааникылаанӡа, иҳәынҭқарра ахаан Қырҭтәыла аакәыршаны иҟаз агеополитикатә ҭагылазаашьа иаарԥшуп.

Қырҭтәыла Актәи аканал адиректор хада Ҭинаҭин Берӡенишвили ишазгәалҭаз, адокументалтә фильмқәа рхырхарҭа Актәи аканал априоритетқәа иреиуоуп.

“Арегионқәа рҿы ҳфильмқәа апремиерақәа иаҳа-иаҳа шырацәахо даара ҳгәы иаахәоит. Асимволтә ҵакы амоуп аҳәынҭқар Ерекле изкә афильм иахьа Ҭелави ахьымҩаԥгаз, ҳахәаԥшцәа ателехәаԥшратә премиера жәабран 18-19 рзы рыдаагалоит”, – илҳәеит Қырҭтәыла Актәи аканал адиректор хада Ҭинаҭин Берӡенишвили.

Афильм автор, Қырҭтәыла Актәи аканал ахылаԥшратә хеилак ахантәаҩы Васил Маӷлаԥериӡе ишазгәеиҭаз афильм аус адулара далагеит аҳәыҭқар Ерекле аҩбатәи 300 шықәса ихыҵра инамаданы, аха аковидпандемиа иахҟьаны, апремиера иахьа имҩаԥган.

Апремиерахь днеит Алавердтәи амитрополит аҷҟәандар Давид Махараӡе. Уи иажәақәа рыла, афильм даара игәаԥхеит.

Афильм ателепремиера Қырҭтәыла Актәи аканал аҿы жәабран 18-19, асааҭ 22:00 рзы мҩаԥгахоит.