Фæсарæйнæгтæн кæнæ æнæпаддзахадон адæймæгтæн æхсæнадæмон хъахъæды раттыны, æнæзакъонон миграцийы ныхмæ тохы æмæ æмбæхсæн процедурæйæ æнæзакъонæй спайда кæныны превенцийы тыххæй, Гуырдзыстоны мидхъуыддæгты министрады ‘рдыгæй, закъондæттæн ивæндзинæдты пакет «Æхсæнадæмон хъахъæды фæдыл» бацæттæ ис. Уый фæдыл информаци мидхъуыдтæгты министрад парахат кæны.

Ивддзинæдты пакет закъондæттæн органмæ лæвæрд æрцыд æркæсынмæ.

«Уæлдæрбанысангонд закондæттæн ивæндзинæдты пакет бацæттæ ис Европарламенты æмæ Советы директивæтæм гæсгæ.

Ивæндзинадмæ гæсгæ, уголовон кодексмæ бафтыдтой æфхæрды ног хуыз: фæсарæйнаг адæймаджы Гуырдзыстонæй ссæрибар кæнын æмæ бæлвырд æмгъуыдмæ Гуырдзыстонмæ бацæуыны тобæдзинад; Административон фæткхалæнты кодексмæ бафтыдтой административон æфхæрды ног хуыз – Гуырдзыстонæй фæсарæйнаг адæймаджы ссæрибар кæнын æмæ фæсарæйнаг адæймаджы Гуырдзыстонмæ бацыд тобæ кæнын; Ивартæ фылдæр кæнынц фæсарæйнæгтæн, кæцытæ халынц Гуырдзыстоны территорийыл уæвыны фæтк; Зынгæ фæхуымæтæгдæр кæны бæстæйы æнæзакононæй уæвæг фæсарæйнæгты ссæрибар кæныны процедурæ.

Цæмæй æмбæхсæн бынаты æнæраст пайда ма æрцæуа: æмбæхсæн бынаты æркасты фæтагъддæргонд процедурæ æххæстгонд цæуы уыцы фæсарæйнæгтæн, кæцытæ бæстæмæ бацæуыны фæстæ иу мæйы æмгъуыдмæ æмбæхсæн бынат нæ ракуырдтой; Æххæстгонд цæуы ног механизм, кæцымæ гæсгæ æмбæхсæн бынат нымад æрцæудзæн Гуырдзыстоны паддзахадон арæныл, фæсарæйнагæн Гуырдзыстоны территоримæ бацæуыны бар нæ ратгæйæ, кæд æмæ фæсарæйнаг бацыд бæстæмæ тæссагдзинад æвзæрын кæны паддзахадон æдасдзинадæн; Æмбæхсæн бынаты æркаст æмæ аппеляцийы рæстæг зынгæ фæкъаддæр; Уынаффæтæ бавдисыны фæхуымæтæгдæргонд (электронон) процедурæ æххæстгонд цæуы, кæцы нысаниуæгджынæй фæрогдæр кæндзæн апелляцийы æмгъуыдты контроль; «Арæнæвæрд уыдзæн уыцы фæсарæйнагæн Гуырдзыстоны цæрыны бардæттæг гæххæтты раттын, кæцыйæн ссæрибар кæныны фарста æвзæрст æрцыд кæнæ Гуырдзыстонæй йæ ссæрибар кæныны тыххæй æскъуыддзаг райст æрцыд» – ис фыст МХМ-йы расидæны.