Վերջին 24 ժամվա ընթացքում Հայաստանում արձանագրվել է կորոնավիրուսի 92 դեպք

11:27, 02.06.2021

Վերջին 24 ժամվա ընթացքում Հայաստանում արձանագրվել է կորոնավիրուսի 92 դեպք, ապաքինվել է 149 պացիենտ: Միևնույն ժամանակ, երկրում վերջին օր ու գիշերվա ընթացքում «կովիդ 19»-ից մահացել է մեկ հիվանդ, ևս մեկ վարակվածի մահվան պատճառ է հանդիսացել այլ հիվանդությունը: Տեղեկատվությունը տարածում են հայկական լրատվամիջոցները, հիմնվելով երկրի առողջապահության նախարարության տվյալներին:

Երկրում վերջին օր ու գիշերվա ընթացքում կորոնավիրուսի վրա փորձարկվել է 2 916 մարդ:

Հունիսի 1-ի դրությամբ, համավարակի սկզբից ի վեր, Հայաստանում արձանագրվել է կորոնավիրուսի 222 870 դեպք, այստեղից ապաքինվել է 213 578 հիվանդ:

Ինչ վերաբերում է մահացու դեպքերին, Հայաստանում ընդհանուր առմամբ կորոնավիրուսից մահացել է 4 446 մարդ, 1 083 վարակվածի մահվան պատճառ է նշվում այլ հիվանդությունը:

Հեղինակ - edgar barsegyan

COVID-19

Հասարակական

Կորոնավիրուս

Հայաստան