Թբիլիսիի ինֆեկցիոն հիվանդանոցում նոր կորոնավիրուսի ախտորոշմամբ գտնվող 22 հիվանդից 7-ի մոտ հաստավել է թոքաբորբ՝ կրծքավանդակի համակարգչային շերտագրության անցկացման հետևանքով,- այս մասին հայտարարել է Թբիլիսիի ինֆեկցիոն հիվանդանոցի բժշկական տնօրեն Մարինա Էզուգբաիան:

Նրա խոսքով, այստեղից մեկ մարդու վիճակը համեմատաբար ծանր է:

«Նրա վիճակն այս պահին կայուն է և հիվանդությունը չի զարգանում: Վարակված անձի մոտ վարակման օրից մինչև 13 օր հնարավոր է վարակը զարգացում ապրի: Եթե այս 13 օրը հաղթահարենք և հիվանդի վիճակը լինի կայուն, ուրեմն դա վկայում է այն մասին, որ հետզհետե սկսվում է ապաքինում»,- հայտարարել է Էզուգբաիան:

Ինչ վերաբերում է ապաքինմանը, ինֆեկցիոն կլինիկայի բժշկական տնօրենի խոսքով, հիվանդներից մեկը 16-րդ օրն անցել է թեստավորում և պատասխանը եղել է թույլ դրական, որը նշանակում է, որ վարակը նվազել է, սակայն դեռևս կա:

Էզուգբաիայի խոսքով, նոր կորոանվիրուսով վարակված դեռահասի առողջական վիճակը բավարար է: