Նոր կորոնավիրուսի հնարավոր տարածումը կանխելու նպատակով, արդարադատության տունը սկսել է ծառայությունների տարածքում սեղանների վրա մոնտաժել ապակե պատնեշներ:

Պետական ծառայությունների զարգացման գործակալության մամուլի ծառայության հաղորդմամբ, համապատասխան աշխատանքները արդարադատության տանը իրականացվել են շաբաթ կիրակի և աշխատանքներն արդեն ավարտված են: Ապակե պատնեշներ է մոնտաժված 180 սեղանի վրա: Այսօր մոնտաժը շարունակվելու է այլ սպասարկման սեղանների վրա և ընդհանուր առմամբ կլինի 328 սեղանի վրա:

Ինչ վերաբերում է այն արագ սպասարկման տարածքին, որին քաղաքացիները դիմում էին պատրաստի փաստաթուղթ ստանալու համար, մարտի 13-ին հրապարակված սահմանափակումների համաձայն, ընդհանրապես դադարեցված է և քաղաքացիները փաստաթղթերը կարող են ստանալ միայն «JUST Drive»-ի պատուհաններից, ավտոկայանատեղիի կողմից:

Արդարադատության տունը կորոնավիրուսի տարածումը կանխելու նպատակով միջոցառումները սկսել է մարտի 2-ին: Ամենօ օր, մի քանի անգամ ախտահանվում են դահլիճներն ու աշխատանքային սենյակները: Միևնույն ժամանակ, արդարադատության տան մուտքերի մոտ մոնտաժված են ձեռքերի մաքրման համար ախտահանիչ անկյուններ: Առաջնային գծում յուրաքանչյուր աշխատողի տրամադրվում է բժշկական դիմակ, ձեռնոց և ձեռքի ախտահանիչ լուծույթ:

Մինչև ապրիլի 1-ը արդարադատության տան վարչական մասը կաշխատի հեռավար ռեժիմով: Վրաստանի տարածքով արդարադատության տների վարչության 108 աշխատակցից 55-ը կաշխատեն հեռավար կարգով: Ինչ վերաբերում է առաջնագծի աշխատակիցներին, ապա նրանց աշխատանքային ժամանակացույցը փոխվել է, ինչպես նաև նվազել է աշխատանքային ժամերի քանակը:

Արդարադատության տունը կոչ է անում բոլորին, պաշտպանել առողջապահության համաշխարհային կազմակերպության և Վրաստանի առողջապահության նախարարության հանձնարարականները», – ասված է հաղորդագրության մեջ: