Երեք տարի առաջ Վրաստանի և Չինաստանի միջև ստորագրվեց ռազմավարական գործընկերության համաձայնագիր։ Մենք անցնում ենք համապարփակ ռազմավարական գործընկերության փուլ,- ասաց Վրաստանի վարչապետ Իրակլի Կոբախիձեն։

Նրա խոսքով, այս փուլը կբերի ավելի շատ արդյունքներ վրաց-չինական հարաբերությունների խորացման առումով։

Ինչպես նշեց վարչապետը, համաձայնագիրը ստորագրվեց այսօր։

«Այս հարցը արժանի է հատուկ կառավարական ճեպազրույցի։ Այսօր շատ կարևոր օր է։ Դուք գիտեք, որ մոտ երեք տարի առաջ Վրաստանի և Չինաստանի միջև ստորագրվեց ռազմավարական գործընկերության համաձայնագիր։ Հիմա մենք անցնում ենք հաջորդ փուլ, սա համապարփակ ռազմավարական գործընկերության փուլն է։ Այս երեք տարիները շատ բան են բերել երկկողմ հարաբերություններին, խորացրել են մեր քաղաքական և տնտեսական կապերը, ինչը նաև արտահայտվել է կոնկրետ գործողություններով։ Դուք գիտեք, որ հաստատվել է առանց վիզայի ճանապարհորդություն, մենք ունենք ուղիղ չվերթներ, այս տարի ավելացվում են նոր չվերթներ, ինչը ապահովում է Վրաստանի և Չինաստանի միջև ավելի մեծ շարժունակություն։ Մենք ունենք նաև կոնկրետ, շոշափելի արդյունքներ առևտրատնտեսական ոլորտում։ Սա բերեց երեք տարի առաջ ստորագրված ռազմավարական գործընկերության համաձայնագիրը, և հիմա մենք անցնում ենք մեր հարաբերությունների նոր փուլ։ Սա համապարփակ ռազմավարական գործընկերության փուլ է, որը վրաց-չինական հարաբերություններին էլ ավելի շատ արդյունքներ կբերի հարաբերությունների խորացման առումով։ Սա շատ կարևոր համաձայնագիր է, որը ստորագրվեց այսօր», – ասաց Իրակլի Կոբախիձեն։