Абҵара 29 инаркны ԥхынҷкәын 3-нӡа Қырҭтәыла апарламент ахантәаҩы Шьалуа Папуашвили дызхагылоу апарламент аделегациа визитла Германтәылатәи Афедеративтә республикахь дәықәлоит.

Қырҭтәыла апарламент аинформациала, апарламент ахантәаҩы Бундестаг ахада Бербел Баси Бундестаг Евроеидгыла азҵаарақәа рзы акомитет ахантәаҩы Антон Ҳофраитери дырԥылоит.

Аиԥыларақәа мҩԥагахоит Бундестаг аиуристтә зҵаарақәа ркомитет ахантәаҩы Елизабет Винкельмаиер-Береи, атәылахьчара комитет ахантәаҩы Мари-Агнесс Штрак-Циммермани, акаҩытәыҩса изинқәа ркомитет ахантәаҩы Ранета Альтеи рҟны.

Апарламент ахантәаҩи аделегациа алахәылацәеи аиԥыларақәа мҩаԥыргоит Бундестаг Аахыҵ Кавказ апарламенттә гәыԥ алахәылацәеи, афракциа CDU ахаҭарнакцәеи, Натои Мрагыларатә партниорреи рхырхарҭала ажәахәҟаҵаҩцәеи, афракциа SPD адәныҟаполитикатә спикери Адәныҟатәи аусқәа рминистрра аҳәынҭқарратә министри рҟны.

Шьалуа Папуашвили ихы алаирхәоит Қырҭтәылеи Германтәылеи адипломатиатә еизыҟазазшьақәа рыбжьаҵара 30 шықәса ҵра инамаданы имҩаԥысуа ауснагӡатә.

Апарламенттә делегациа иалоуп адепутатцәа Николоз Самхараӡеи, Анри Оханашвилии, Леван Кобиашвилии, Нино Иобашвилии, Иракли Шатикашвилии, Хаҭуна Самниӡеи.