«Литватәи адепутат Қырҭтәыла данааилак, раҧхьа иргыланы, ифашисттә аҳәамҭақәа рзы ақырҭуа жәлар рҿаҧхьа аҭамзаара шьҭеиҵап ҳәа сгәыҕуеит», — иҳәеит Қырҭтәыла апарламент ахантәаҩы Шьалуа Папуашвили.

Папуашвили ажурналист изҵаара аҭак аиҭеит. Ажурналист диазҵааит: «Иахьа аоппозициа еиуеиҧшым аҭыҧқәа рҟынтә амаршқәа рымҩаҧгара ргәы иҭоуп, асааҭ быжьба рзы аҳҭнықалақь ашҭа хадаҿы еизоит. Уаҟа европатәи алидерцәагьы ирзыҧшуп. Дара абри амилаҭтә ныҳәа хазы иазгәарҭоит, шәара уи иахышәҳәаауеи?»

Шьалуа  Папуашвили иҳәамҭала,  Саакашвили иҩыза Қырҭтәыла аҩызас дзыҟалом.

«Иахьатәи амш инамаданы Қырҭтәылаҟа иаауеит Европарламент аделегациагьы, уи дахагылоуп ақырҭуа жәлар ирыдҳәаланы афашисттә аҳәамҭақәа ҟазҵо литватәи адепутатгьы.  Иара Қырҭтәыла данааилак, раҧхьа иргыланы, ифашисттә аҳәамҭақәа рзы ақырҭуа жәлар рҿаҧхьа аҭамзаара шьҭеиҵап ҳәа сгәыҕуеит.  Саакашвили иҩыза Қырҭтәыла аҩызас дзыҟалом. Саакашвили дгәыдызкылоз, ианаамҭаз имчра зыҕәҕәоз ахаангьы Қырҭтәыла аҩызас дзыҟалом», — иҳәеит  Шьалуа  Папуашвили.