«Ҳуааҧсыра ибзиаӡаны ирдыруеит  “Ақырҭуа гәахәтәы” аполитика шиашаз, ҷыдала, аҵыхәтәантәи ашықәс азы: ҳара иаҳҳәоз зегьы ииашоуп, ҳазлацәажәоз ашәарҭарақәа зегьы лабҿаба иубарҭахеит, амцҳәаҩцәа аарҧшуп», — иҳәеит Қырҭтәыла апарламент ахантәаҩы Шьалуа Папуашвили.

Иара иажәақәа рыла,  «Ақырҭуа гәахәтәы» ажәлар ирыдаргалоз зегьы шьақәырҕәҕәоуп  — адәныҟатәи аполитикеи агеополитикеи рымҩаҧгара аганахьалагьы.

«“Ақырҭуа гәахәтәы” даҽазнык ишьақәнарҕәҕәеит Евроеидгылеи Бриуссели рҟынтә иҟаз ақәыҕәҕәара ҕәҕәа аҿагылара аҵакы ду шамаз. Ари ақәыҕәҕәара ҳаҿамгылазҭгьы, иахьа Украина ахьыҟоу уааҵәҟьа ҳаҟазаауан  — аҭынчразгьы аибашьразгьы  алшара аныҟам аҭагылазаашьаҿы. Амҵақьақьаҩцәа аполитикатә лидерцәа роуп Украина абри аҭагылазаашьа иҭазыргылаз, дара Украина иадгылоит ҳәа ргәы иаанагоит, аха, иҵабыргны, аукраин жәлар иаҳа еицәоу аҭагылазаашьа иҭадыргылоит», — иҳәеит Шьалуа  Папуашвили.

Америкеи Евроеидгылеи рҟны аизыҟазаашьақәа данрылацәажәоз Папуашвили ишиҳәаз ала, Америка администрациа ҿыц ароль ҷыда ранашьоуп  — европатәи абиурократцәеи аполитикатә лидерцәеи аиаша рарҳәароуп.