«Европарламент адепутат  Раса Иукнавичене  афашисттә аҳәамҭақәа рҳәаа дазааигәахеит», — иҩит Қырҭтәыла апарламент ахантәаҩы Шьалуа Папуашвили асоциалтә аҳаҿы.

Папуашвили ишазгәеиҭаз ала, Бриуссель адемократиеи ауаҩы иаҳаҭыри иазхазымҵо абри атенденциа аанызкылаша аҟәышра аадырҧшыроуп.

«Европарламент адепутат  Раса Иукнавичене  афашисттә аҳәамҭақәа рҳәаа дазааигәахеит.  «Ажәлар роуп изхароу…», «Ари аинфекциа аанаҳкылароуп…». Арадикалцәа рхы иадырхәо ацәымҕратә бызшәа ҳахәаҧшыр, анеҩстәи лҳәамҭақәа рҿы ақырҭуа жәлар  «атәцәа» ма  «абиомасса» ҳәа рзылҳәар ҟалап.  Бриуссель адемократиеи ауаҩы иаҳаҭыри иазхазымҵо абри атенденциа аанызкылаша аҟәышра аадырҧшыроуп. Сара  Раса Иукнавичене  иласҳәар сҭахуп  —  Сталин дуцәымҕзар, ажәлар зегьы уцәымҕзар ҟалом», — иҩит Папуашвили.