«Аусеилыргаратә комиссиа адоумент абзоурала атәым мчқәа изыдгыло ауаа зеиҧшроу еилкааны, «Амилаҭтә ҵысра» адиктатортә режим иақәыӡбар рылшоит», — иҳәеит апарламент ахантәаҩы Шьалуа  Папуашвили.

Иара аганқәа зегьы рахь ааҧхьара ҟаиҵеит  «аҩынтәраангьы ари ашанс рцәымӡырц».

«Иахьа апарламент аусеилыргаратә комиссиа аихшьаалатә аҳасабырба иахәаҧшуеит.  400 еиҳаны адаҟьала еиқәыршәоу адокументаҿ  „Амилаҭтә ҵысра“ арежим  2012 шықәсанӡа антидемократиатә екстремисттә аиҿкаара аҳасаблагьы,  2012 шықәса ашьҭахьгьы, аоппозициаҿы иҟарҵоз ацәгаьаурақәа зегьы ирызку ашаҳаҭгақәа цәыргоуп.

Иҳаҩсыз амзақәа ирылагӡаны ҳара усҟан дара иҟарҵоз ацәгьаурақәа ҳгәалаҳаршәон. Иахьагьы лабҿаба иаабоит аоппозициаҿы иҟоу  „Амилаҭтә ҵысра“ ақырҭуа демократиа ишаҧырхагоу. Иахьагьы аргама ирҳәоит амч ахархәарала анапхгара ргар шырҭаху. Аҳәаанырцәтәи рыдгылаҩцәагьы уи иақәшаҳаҭуп. Апарламент аҳасабырба ианахәаҧшлак, ахатә позициа аанарҧшуеит.

Аусеилыргаратә комиссиеи уи ахантәаҩы Ҭеа Ҵулукиании ҭабуп ҳәа расҳәар сҭахуп. Дара ари адокумент шьаҭанкыла аус адырулеит. Уи ҳҭоурыхаз аҵакы ду амоуп, абиҧарақәа зегьы ирдӡыруазароуп аҳәаанырцәынтә ҳтәылаҿы адиктатура шышьақәдыргылаз», – иҳәеит  Шьалуа  Папуашвили.

Иара убас,  Папуашвили ишиҳәаз ала,  2012 шықәса ашьҭахь, адиктатуреи ауаа рыргәаҟреи арежим аҧҵаҩцәа еиуеиҧшым жәларбжьаратәи аиҿкаарақәа рҿы ирыдыркылон.

«Зыӡбахәы ҳәоу ацәгьаурақәа рзы усҟангьы зус ӡбаз Саакашвили Бриуссель дрыдыркылон. Украина анапхгара  ақырҭуаа ҳашьцәа роуп ҳәа рҳәоит, аха, аргәаҟратә система аҧҵаҩы дрыдыркылоит.

Аусеилыргаратә комиссиа адоумент абзоурала атәым мчқәа дара изыдгыло ауаа зеиҧшроу еилкааны, «Амилаҭтә ҵысра» адиктатортә режим иақәыӡбар рылшоит. Аганқәа зегьы уи еиҧш алшара рымоуп. Атәымуаа зегьы рахь ааҧхьара ҟасҵоит ари ашанс рхы иадырхәарц. Абри зегьы иамыхәаҧшкәа Саакашвили дмодернизаторуп, ддемократ дууп ҳәа еиҭарҳәар,  ақырҭуа жәлар уи иранарыжьуам. Иахьа ари адокумент ахәаҧшра ашьҭахь абри амцҳәара аҵыхәа ҧҵәазароуп», – иҳәеит  Шьалуа  Папуашвили.