«Иахьа ҳара Қырҭтәыла арадикалтә гәыҧқәеи, анапхгара рыхҳәара аҽазкреи  ирызкны Бруссель апозициа ҳаҳар бзиан», — иҳәеит Қырҭтәыла апарламент ахантәаҩы Шьалуа Папуашвили иахьатәи абрифинг аҿы.

Иара иажәақәа рыла, жьҭаара 4 рзы апрезиденттә ахан мчыла агара зҭахыз агрессиатә гәыҧқәа рыдгылара алагьы  лабҿаба иубарҭоуп Бруссель апринципқәа шкаҳаз.

«Ашантажи Қырҭтәыла ақәыҕәҕәареи алҵшәа ахылҵуам. Ҳара ҳхьаҵраны ҳаҟам.  Қырҭтәыла  европатәи апринципқәа рырхынҳәра хықәкыс измоу Евроеидгыла алаларазы аҽазыҟаҵара нанагӡоит.

Евроеидгыла аҿыхара иаҿуп, атәылақәа рацәа, инеишьҭаргыланы, Евроеидгыла апринципқәа рахь изырхынҳәуа аиҳабырақәеи астратегиақәеи ралхра иаҿуп, дара рыҩныҵҟатәи аусқәеи, рмилаҭтә принципқәеи, рыжәларқәа ргәазыҳәареи, адемократиаҵәҟеи, азакәан ахадареи рышҟа  Бриуссель аҽалагалара иаҿагылоит.

Ҳара лабҿаба иаабоит Қырҭтәыла аҿиара Евроеидгыла ахадаратә принципқәа ишрышьашәалоу.

Ҳара аиашамра ааҳарҧшуеит, аиашара ҳазықәҧоит, аиаша ааҳарҧшуеит, апозициа иаша аанаҳкылоит», — иҳәеит Шьалуа  Папуашвили.